Gosið á Fimmvörðuhálsi í dag - myndskeið

Þrátt fyrir að vera lítið á mælikvarða íslenska hálendisins er hraungosið á Fimmvörðuhálsi mikið sjónarspil. Sigríður Mogensen, fréttamaður Stöðvar 2, og myndatökumaðurinn Egill Aðalsteinsson flugu yfir svæðið eftir hádegi í dag.

Gosið virtist koma úr tveimur samliggjandi gígum en úr þeim risu nokkrir samfelldir strókar. Hrauntunga rann í stríðum straumum niður í gil og bræddi á leiðinni ís og snjó í jöklinum en við það myndaðist mikil gufa. Hægt er að horfa á myndbandið hér.