Gunnar Rúnar áfram í gæsluvarðhaldi

Gunnar Rúnar Sigurþórsson hefur verið úrskurðaður í áframhaldandi gæsluvarðhald til 22. október að kröfu lögreglunnar á höfuðborgarsvæðinu og er það gert á grundvelli almannahagsmuna.

Gunnar hefur játað að hafa orðið Hannesi Þór Helgasyni að bana þann 15. ágúst sl. en málið telst í meginatriðum vera upplýst. Lögð var fram krafa um fjögurra vikna áframhaldandi gæsluvarðhald og á hana var fallist í héraðsdómi. Í tilkynningu frá lögreglu segir að Gunnar uni niðurstöðunni.