Cavani með þrennu í sigri Napoli

Napoli komst upp í annað sæti ítölsku úrvalsdeildarinnar í dag með 4-3 sigri á Lazio. Úrúgvæinn Edinson Cavani skoraði þrennu í leiknum.

Napoli er nú með 62 stig og er þremur stigum á eftir AC Milan sem vann 3-0 sigur á grönnum sínum í Inter í gærkvöldi.

Inter á titil að verja í deildinni en er nú í þriðja sæti með 60 stig.

Napolo lenti tvívegis undir í leiknum en náði að tryggja sér öll þrjú stigin með magnaðri frammistöðu í síðari hálfleik.

Stefanu Mauri og og Andre Dias komu Lazio í 2-0 en Andrea Dossena minnkaði muninn fyrir Napoli með marki á 60. mínútu.

Cavani jafnaði svo metin tveimur mínútum síðar áður en Salvatore Aronica, leikmaður Napoli varð fyrir því óláni að skora sjálfsmark stuttu síðar.

Cavani skoraði svo tvívegis á síðustu tíu mínútum leiksins og tryggði sínum mönnum þar með dýrmæt stig í toppbaráttunni á Ítalíu.