Fyrirliðarnir áfram hjá Snæfelli næsta vetur

Pálmi Freyr Sigurgeirsson og Alda Leif Jónsdóttir, fyrirliðar meistaraflokka Snæfells í Iceland Express deildunum í körfubolta, skrifuðu í kvöld undir nýjan samning við Snæfellsliðið.

Pálmi Freyr og Alda Leif voru ekki þau einu sem framlengdu hjá Snæfelli í dag því Magnús Ingi Hjálmarsson samdi líka hjá karlaliðinu sem og þær Hildur Björg Kjartansdóttir og Aníta Rún Sæþorsdóttir hjá kvennaliðinu.

Hildur Sigurðardóttir, Björg Guðrún Einarsdóttir, Berglind Gunnarsdóttir, Ellen Alfa Högnadóttir og Helga Hjördís Björgvinsdóttir skrifuðu einnig undir hjá kvennaliðinu á dögunum sem og þeir Jón Ólafur Jónsson, Egill Egilsson og Snjólfur Björnsson hjá karlaliðinu.

Ingi Þór Steinþórsson mun síðan þjálfa áfram bæði karla og kvennaliðið hjá Snæfelli eins og hann hefur gert undanfarin tvö tímabil.