"Ég ætla að stela senunni á Bestu útihátíðinni!"

"Það eru náttúrulega svakalega stórir listamenn þarna á Bestu útihátíðinni, þannig að ég þarf að setja saman svakalegt sjóf til þess að stela senunni... sem er einmitt sem ég ætla að gera," sagði Steindi Jr. í viðtali í útvarpsþættinum Vasadiskó á X-inu í gær. Þar greindi hann frá því að hann ætlaði sér að setja upp "svakalegt sjóf" með hóp af aðstoðarfólki.

Steindi Jr. kemur fram á Bestu útihátíðinni helgina 8. - 10. júlí næstkomandi en hátíðin, sem verður haldin á Gaddstaðarflötum, skartar m.a. Quarashi og GusGus.

Steindi Jr. mætti í liðinn Selebb Shuffle í Vasadiskóinu en þar tengja menn mp3 spilarana sína í græjurnar og setja á Shuffle. Svo bera þeir ábyrgð á öllu því sem kemur.

Lögin sem komu upp hjá Steinda voru:

Bjartmar Guðlaugsson - Frændi fyrir austan

Eiríkur hauks - Gaggó vest

Bent og 7berg - Má ég sparka

50cent - How to rob

Hemmi gunn - Mummi fjöl

Áhöfnin á halastjörnunni - Stolt sigli fleygið mitt

Þið getið sótt/hlustað á lagalistann hér.

Fylgist með Vasadiskó á Facebook.