Ómar Swarez úr Quarashi mætir í Vasadiskó

Það hefur líklegast ekki farið framhjá neinum að rapp/rokk-sveitin Quarashi er með endurkomu eftir rúma viku á Bestu útihátíðinni. Lítið hefur þó farið fyrir rapparanum Ómari Haukssyni sem hvergi hefur farið í viðtal vegna endurkomunnar. Hann er þó um borð í Quarashi skútunni þó hann sé lítið fyrir fjölmiðla. Hann ætlar þó að opna sig um endurkomuna í fyrsta skiptið í þættinum Vasadiskó sem verður á dagskrá X-sins á sunnudag kl.15.

Ómar verður gestur í liðnum "Selebb shuffle" þar sem þekktir einstaklingar mæta með mp3 safnið sitt, tengja í samband og stilla á shuffle. Hann tekur svo ábyrgð á öllu því sem tækið tekur upp á að spila.

Quarashi og Gus Gus eru i þann mund að sleppa út nýrri smáskífu sem sveitirnar unnu saman. Opnuð hefur verið sérstök síða á netinu þar sem netverjar verða að smella á "like"-hnapp til þess að lögunum verði sleppt lausum. Þegar 3000 manns hafa smellt - verður myndböndum með lögunum sleppt lausum.

Takið þátt í því að losa smáskífu Quarashi og GusGus hér.

Fylgist náið með endurkomu Quarashi á Facebook.

Fylgist með útvarpsþættinum Vasadiskó á Facebook.