Tveir nýliðar í NM-hópi Peter Öqvist - allir helstu með

Peter Öqvist hefur tilkynnt þá tólf leikmenn sem munu taka þátt í Norðurlandamótinu í Sundsvall í Svíþjóð sem hefst um helgina. Jón Arnór Stefánsson er í liðinu ásamt öllum atvinnumönnum Íslands en Öqvist valdi líka tvo nýliða í hópinn, Grindvíkinginn Ólaf Ólafsson og hinn 19 ára gamla Hauk Helga Pálsson.

Snæfellingurinn Jón Ólafur Jónsson var þrettándi maður í hópnum en Öqvist ákvað að skilja hann eftir þegar hann skar niður hópinn. Haukur Helgi Pálsson kemur til móts við liðið strax eftir að Evrópumóti 20 ára landsliða lýkur en hann er þar í lykilhlutverki og hefur skorað 24,3 stig að meðaltali í leik.

Logi Gunnarsson er bæði aldursforseti liðsins sem og sá sem hefur spilað flesta landsleiki eða 76. Helgi Már Magnússon kemur næstur honum með 62 landsleiki en ekki kom fram á fundinum hver tekur við fyrirliðabandinu af Magnúsi Þór Gunnarssyni.

Fyrsti leikur íslenska liðsins verður á móti Svíþjóð á laugardaginn en liðið mætir einnig Finnlandi, Danmörku og Noregi á mótinu.



Íslenski landsliðshópurinn á NM 2011:

4 Brynjar Þór Björnsson, KR

Hæð 190 sm · Fæddur ‘88 · 9 landsleikir

5 Haukur Helgi Pálsson, Maryland / Fjölnir

Hæð 198 sm · Fæddur ‘92 · Nýliði

6 Jakob Sigurðarson, Sundsvall, Svíþjóð

Hæð 192 sm · Fæddur ‘82 · 44 landsleikir

7 Finnur Atli Magnússon, KR

Hæð 205 sm · Fæddur ‘85 · 2 landsleikir

8 Hlynur Bæringsson, Sundsvall, Svíþjóð

Hæð 200 sm · Fæddur ‘82 · 47 landsleikir

9 Jón Arnór Stefánsson, CB Granada, Spáni

Hæð 196 sm · Fæddur ‘82 · 50 landsleikir

10 Helgi Már Magnússon, Uppsala, Svíþjóð

Hæð 197 sm · Fæddur ‘82 · 62 landsleikir

11 Ólafur Ólafsson, Grindavík

Hæð 190 sm · Fæddur ‘90 · Nýliði

12 Pavel Ermolinski, KR

Hæð 200 sm · Fæddur ‘87 · 14 landsleikir

13 Hörður Axel Vilhjálmsson, Keflavík

Hæð 188 sm · Fæddur ‘88 · 16 landsleikir

14 Logi Gunnarsson, Solna, Svíþjóð

Hæð 190 sm · Fæddur ‘81 · 76 landsleikir

15 Sigurður Gunnar Þorsteinsson, Grindavík

Hæð 204 sm · Fæddur ‘88 · 21 landsleikur