Kvennalið KR í körfunni búið að semja við Kana

Kvennalið KR hefur samið við bandarískan leikstjórnanda fyrir komandi átök í körfuboltanum. Leikmaðurinn heitir Reyana Colson og spilaði með Cal Poly Pomona í bandaríska háskólaboltanum á síðasta ári.

Í fréttatilkynningu frá KR kemur fram að Colson sé 168 sentimetrar á hæð og hafi hlotið fjölmörg verðlaun fyrir frammistöðu sína með skólaliðinu á síðustu leiktíð. Lið hennar spilaði í 2. deild í háskólaboltanum.

Colson skoraði 21.4 stig, tók 6.4 fráköst, átti 4.7 stoðsendingar og stal 2.8 boltum að meðaltali í leik. Þá var hún valin í úrvalslið 2. deildar.

Áhugasamir geta séð myndbrot af Colson í leikjum háskólaliðsins með því að smella hér.