Leikskólahetja í Vasadiskó

Þeir eru eflaust margir foreldrarnir sem eru þakklátir Haraldi Frey Gíslasyni, einnig þekktur sem Halli í Botnleðju, eftir að hann tryggði leikskólakennurum bætt kjör og afstýrði verkfalli rétt áður en það átti að skella á. Sem formaður Félags leikskólakennara hefur hann staðið sig með prýði en það hefur hann einnig gert í gegnum tíðina í störfum sínum með hljómsveitunum Botnleðju og Pollapönki. Hvernig sem á það er litið lífgar Halli upp á tilveruna.

Það er akkúrat það sem hann ætlar að gera á morgun í útvarpsþættinum Vasadiskó en Halli mætir í liðinn Selebb shuffle. Þangað mæta þekktir einstaklingar með iPodana sína, stilla á shuffle og taka svo ábyrgð á því sem vasadiskóin þeirra spila.

Kannski gefur hann einhverjar vísbendingar um hvort einhvert sannleikskorn sé í þeim orðrómum að hljómsveitin Botnleðja ætli sér bráðlega að blása aftur í herlúðranna? Fylgist með á X-inu 977 á morgun, sunnudag, á milli kl. 15 - 17.

Fylgist með Vasadiskó á Facebook.