Stærstir í upplýsingatækni og á leið í Kauphöllina

Skýrr verður tilbúið í skráningu í Kauphöllina á næsta ári, segir Gestur G. Gestsson, forstjóri Skýrr en Framtakssjóður Íslands er stærsti hluthafi fyrirtækisins í dag.

Eigið fé Skýrr er jákvætt um 3,3 milljarða króna, samkvæmt ársreikningi 2010. Eftir mikið sameiningar- og umbreytingarferli sem tekið hefur átján mánuði er Skýrr orðið stærsta upplýsingatæknifyrirtæki landsins og það níunda stærsta sinnar tegundar á Norðurlöndunum.

Gestur var viðmælandi okkar í Klinkinu í dag þar sem hann ræddi um meðal annars um skráningu Skýrr í Kauphöll Íslands, en stefnt er að skráningu þess í Kauphöllina vonandi snemma á næsta ári. „Við eigum allt hráefnið upp í skáp og erum að baka kökuna," segir Gestur.

Hann segir verðmæti Skýrr ráðast af þeim margföldunarstuðli sem stuðst sé við á EBITDA-hagnað fyrirtækisins sem var um 780 m.kr á síðasta ári. Sé notaður algengur stuðull gæti fyrirtækið verið 5-6 milljarða króna virði. Þegar Geir er spurður hvort hann ætli sjálfur að kaupa hlutabréf stendur ekki á svari: „Klárlega."

Sjá má bút úr viðtali við Gest í Klinkinu í myndskeiðinu hér fyrir ofan. Smá við þáttinn í heild sinni hér.