Símarnir sjálfir geti hjálpað Alzheimer-sjúklingum

Magnús Oddsson, nýtæknikönnuður og verkfræðingur hjá Össuri, er gestur í Klinkinu, umræðuþætti um efnahagsmál, á viðskiptavef Vísis. Magnús segir að miklir möguleikar séu á því að efla framfarir í heilbrigðisgeiranum með samvinnu fólks sem hefur ólíka þekkingu, t.d. milli verkfræðinga og lækna. Velgengni Össurar byggi ekki síst á samstarfi sem þessu.

Hann nefnir sem dæmi að vel sé hægt að hugsa sér að símar geti látið aðstandendur Alzheimer-sjúklinga vita af því ef þeir eru villtir, eða komnir út fyrir svæði þar sem þeir eiga að vera. Reiknigeta í nýjum snjallsímum sé margfalt meiri en í bestu tölvum fyrir tiltölulega fáum árum, sem sýni vel hvaða sé hægt að gera.

Sjá má viðtalið við Magnús Oddsson í heild sinni hér.