Runk hugarfars Bergsteinn Sigurðsson skrifar 4. janúar 2011 09:14 Stærsta vandamál Íslendinga er án nokkurs vafa yfirþyrmandi skortur á auðmýkt og sjálfsgagnrýni. Betur og betur er að koma í ljós að Íslendingar eru ótrúlega sjálfhverfar smásálir, sem eru ófærar um að líta í eigin barm. Ein ógeðslegasta birtingarmynd þeirrar heimtufrekju sem tröllríður þjóðinni á alla vegu er hversu stórkostlega hneykslunargjörn hún er. Þetta er algjörlega óþolandi. Við verðum að hætta þessu rugli gott fólk; hætta allri vandlætingu. Nýtt Ísland verður ekki byggt á upphrópunum og hneykslun!!! Örugglega er ein ástæða þess að við erum í þessari stöðu sú að við reiðum okkur of mikið á hugsun. Hugsun er bundin við fortíðina. Með því að ljá tilveru okkar skilning erum við föst í fortíðinni; með því að hugsa reynum að halda í hið liðna eins og Smáralindarkynslóðaroffitusjúklingur heldur í síðasta kjúklingalærið í KFC-fötunni. Hugsun býr til andlega spéhræðslu sem leiðir til þess að við sjáum sannleikann ekki nakinn, heldur reynum alltaf að fela nekt hans í sundskýlu hugsunar. Nýtt Ísland verður ekki byggt á hugsun. Hættum að hugsa! Langflest erum við svo skilyrt af sjálfsmynd okkar sem er svo rækilega bundin við heimsmynd okkar að þegar heimsmyndin hrynur liggur sjálfsmynd okkar eftir í forarvilpunni, þar sem hún veltist um og kastar drullu í allar áttir án þess að átta sig á hvar hún liggur. Höfum í huga orð kínverska heimspekingsins Lao Tse Tung sem sagði löngu fyrir fæðingu Jesú Krists: "Hvaða lykt er þetta?" Hættum þessu rugli. Nýtt Ísland verður ekki byggt úr daunillri for. Venjulegir Íslendingar eru andlegir ístrubelgir sem eru sáttir svo lengi sem þeir fá sitt Séð & Heyrt með Begga og Pacasi. Þeir eru upp til hópa með útbólgin egó af of mikilli kókópöffsneyslu og ekkert bólgueyðandi er í augsýn. Mahatma Gandí, móðir Teresa og Jesús Kristur borðuðu aldrei kókópöffs og tóku aldrei bólgueyðandi. Hættum þessu rugli og tökum þau okkur til fyrirmyndar. Nýtt Ísland verður ekki byggt á kókópöffsi og egósmættandi lyfjum úr apótekinu í Smáralind. Ipsa scientia potestas est, segir latneskt spakmæli. Þið getið flett því upp. En mergur málsins er sá að hér á landi verði hugarfarsbylting. Hún hefst með því að horfa í spegilinn vel og lengi. Það hef ég gert. Og mér líkar það vel. Viltu birta grein á Vísi? Sendu okkur póst. Senda grein Bergsteinn Sigurðsson Mest lesið Hefur ítrekað hótað okkur áður Hjörtur J. Guðmundsson Skoðun Halldór 02.08.2025 Halldór Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson Skoðun Bandaríkin voru alltaf vondi kallinn Karl Héðinn Kristjánsson Skoðun Áform um að eyðileggja Ísland! Jóna Imsland Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun Kæfandi klámhögg sveitarstjóra Jón Trausti Reynisson Skoðun Fólkið í flokknum Helgi Áss Grétarsson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Landsvirkjun hafin yfir lög Björg Eva Erlendsdóttir Skoðun
Stærsta vandamál Íslendinga er án nokkurs vafa yfirþyrmandi skortur á auðmýkt og sjálfsgagnrýni. Betur og betur er að koma í ljós að Íslendingar eru ótrúlega sjálfhverfar smásálir, sem eru ófærar um að líta í eigin barm. Ein ógeðslegasta birtingarmynd þeirrar heimtufrekju sem tröllríður þjóðinni á alla vegu er hversu stórkostlega hneykslunargjörn hún er. Þetta er algjörlega óþolandi. Við verðum að hætta þessu rugli gott fólk; hætta allri vandlætingu. Nýtt Ísland verður ekki byggt á upphrópunum og hneykslun!!! Örugglega er ein ástæða þess að við erum í þessari stöðu sú að við reiðum okkur of mikið á hugsun. Hugsun er bundin við fortíðina. Með því að ljá tilveru okkar skilning erum við föst í fortíðinni; með því að hugsa reynum að halda í hið liðna eins og Smáralindarkynslóðaroffitusjúklingur heldur í síðasta kjúklingalærið í KFC-fötunni. Hugsun býr til andlega spéhræðslu sem leiðir til þess að við sjáum sannleikann ekki nakinn, heldur reynum alltaf að fela nekt hans í sundskýlu hugsunar. Nýtt Ísland verður ekki byggt á hugsun. Hættum að hugsa! Langflest erum við svo skilyrt af sjálfsmynd okkar sem er svo rækilega bundin við heimsmynd okkar að þegar heimsmyndin hrynur liggur sjálfsmynd okkar eftir í forarvilpunni, þar sem hún veltist um og kastar drullu í allar áttir án þess að átta sig á hvar hún liggur. Höfum í huga orð kínverska heimspekingsins Lao Tse Tung sem sagði löngu fyrir fæðingu Jesú Krists: "Hvaða lykt er þetta?" Hættum þessu rugli. Nýtt Ísland verður ekki byggt úr daunillri for. Venjulegir Íslendingar eru andlegir ístrubelgir sem eru sáttir svo lengi sem þeir fá sitt Séð & Heyrt með Begga og Pacasi. Þeir eru upp til hópa með útbólgin egó af of mikilli kókópöffsneyslu og ekkert bólgueyðandi er í augsýn. Mahatma Gandí, móðir Teresa og Jesús Kristur borðuðu aldrei kókópöffs og tóku aldrei bólgueyðandi. Hættum þessu rugli og tökum þau okkur til fyrirmyndar. Nýtt Ísland verður ekki byggt á kókópöffsi og egósmættandi lyfjum úr apótekinu í Smáralind. Ipsa scientia potestas est, segir latneskt spakmæli. Þið getið flett því upp. En mergur málsins er sá að hér á landi verði hugarfarsbylting. Hún hefst með því að horfa í spegilinn vel og lengi. Það hef ég gert. Og mér líkar það vel.
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun