Gulur, rauður, grænn og blár

Dökkir litir hafa verið ríkjandi í snyrtivörum í vetur en nú taka bjartari tímar við. Pastellitir, appelsínugulir tónar og fallegir fjólubláir litir munu leysa af dökka varaliti og svört naglökk.

Fjólubláu litina mátti sjá víða á tískuvikunni í New York síðasta haust, Jason Wu og Rag & Bone voru á meðal þeirra hönnuða sem féllu fyrir þessum fallega lit.

Látlaus og náttúruleg förðun verður einnig vinsæl í sumar og þar koma appelsínugulu tónarnir sterkir inn, enda sérstaklega frískandi og fallegir.

Litaglaðar dömur þurfa þó ekki að örvænta því skærlitar varir og neglur og sterkir augnskuggar verða líka áberandi í sumartískunni líkt og hjá hönnuðinum Derek Lam.





.