Juventus komið í undanúrslitin í ítalska bikarnum | Del Piero skoraði

Alessandro Del Piero skoraði eitt marka Juventus í 3-0 sigur á Roma í átta liða úrslitum ítalska bikarsins í kvöld. Juventus mætir annaðhvort AC Milan eða Lazio í undanúrslitunum.

Emanuele Giaccherini skoraði fyrsta markið á upphafsmínútum leiksins en Alessandro Del Piero skoraði annað markið með fallegu skoti eftir hálftíma.

Roma missti Erik Lamela af velli með rautt spjald á 69. mínútu fyrir að sparka í Giorgio Chiellini og á lokamínútunni varð Daninn Simon Kjaer síðan fyrir því óláni að senda boltann í eigið mark.

Del Piero var að skora sitt fyrsta mark á tímabilinu en hann er orðinn 37 ára gamall og mun ekki fá nýjan samning þegar núverandi samningur rennur út í sumar.