Roma niðurlægði Inter Milan | úrslit dagsins í ítalska

Fjölmargir leikir fóru fram í ítölsku úrvalsdeildinni í dag en þar ber helst að nefna stórsigur Roma gegn Inter Milan 4-0.

Juan kom Roma yfir eftir rúmlega tíu mínútna leik og þannig var staðan þangað til rétt fyrir lok fyrri hálfleiksins. Fabio Borini kom síðan Roma í 2-0 rétt fyrir lok hálfleiksins. Borini var síðan aftur á ferðinni í byrjun síðari hálfleiks þegar hann gerði útum leikinn með laglegu marki. Bojan Krkic gulltryggði síðan sigur Roma rétt fyrir leikslok og niðurlæging Inter Milan því staðreynd.

AC Milan gerði marklaust jafntefli við Napoli í stórleik helgarinnar en leikurinn komst aldrei á flug. Juventus gerði einnig markalaust jafntefli við Siena.

Juventus er í efsta sæti deildarinnar með 45 stig. AC Milan kemur rétt á eftir þeim með 44 stig og Udinese í því þriðja með 41 stig.

Úrslit dagsins:

Genoa - Lazio - 3 - 2

AC Milan - Napoli - 0 - 0

AS Roma - Inter Milan - 4 - 0

Chievo - Parma - 1 - 2

Fiorentina - Udinese - 3 - 2

Juventus - Siena - 0 - 0

Lecce - Bologna - 0 - 0

Novaro - Cagliari - 0 - 0

Palermo - Atalanta - 2 - 1