Juventus vill fá Cavani

Það eru margar sögusagnir um Juventus þessa dagana enda er liðið talið ætla að styrkja sig umtalsvert í sumar. Nú er hermt að félagið ætli sér að næla í Edinson Cavani, leikmann Napoli.

Juventus er í mikilli leit að alvöru sóknarmönnum og áður hefur verið greint frá áhuga liðsins á að fá Robin van Persie. Líkurnar á að félagið fái hann eru þó afar takmarkaðar.

Juve hefur einnig verið að horfa til Fernando Torres en félagið er sagt ætla að setja mestan þunga á að ná í Cavani.

"Ég veit ekki hvað gerist hjá mér. Félagið verður að afgreiða þau mál," sagði Cavani sem virðist ekki útiloka að fara frá félaginu.

"Svo lengi sem ég er hjá Napoli mun ég halda áfram að gefa allt mitt til félagsins."