Fyrsta sýnishorn úr Steindanum okkar 3

Vísir frumsýnir hér fyrsta sýnishornið úr þriðju þáttaröð Steindans okkar. Eins og sést bregður Steindi sér í allra kvikinda líki og keyrir grínið áfram af fullum krafti.

„Stöð 2 kynnir með stolti stórfenglegt niðurlag besta grínþríleiks allra tíma," segir í sýnishorninu en Steindinn okkar 3 snýr aftur á Stöð 2 í ágúst.

„Þriðja þáttaröð er eins og hinar tvær, bara miklu betri og fyndnari. Við erum farnir að vita aðeins betur hvað við erum að gera," sagði Ágúst Bent leikstjóri þegar Ísland í dag kíkti á tökustað á dögunum en það viðtal má sjá á sjónvarpssíðu Vísis.