Umboðsmaður Zlatan: PSG er líklegur áfangastaður

Það bendir margt til þess að Zlatan Ibrahimovic, leikmaður AC Milan, sé á förum frá félaginu og þá til Paris Saint-Germain í Frakklandi.

Þetta hefur umboðsmaður leikmannsins, Mino Raiola, gefið í skyn í viðtölum og að samningaviðræðum séu komnar langt á veg.

Thiago Silva samherji hans hjá AC Milan gekk í raðir PSG á dögunum og spurning hvort Zlatan eigi eftir að fylgja honum.

„Það hefur margt gerst þessa helgi og samningaviðræður við franska félagið ganga vel, en maður veit aldrei. Þetta verður ekki orðin frágengið fyrr en leikmaðurinn skrifar undir, en við erum bjartsýnir," sagði Raiola.