Forseti Inter: Cassano getur gert gæfumuninn

Massimo Moratti, forseti Inter, er afar spenntur fyrir því að fá Antonio Cassano til félagsins en hann er við það færa sig um set í Mílanóborg í skiptum fyrir Giampaolo Pazzini sem fer til AC Milan.

"Cassano er leikmaður sem getur gert gæfumuninn og það munar um slíka leikmenn," sagði Moratti.

"Ég reyni að gera hluti sem hjálpa félaginu. Við trúum að Cassano sé leikmaður sem geti hjálpað okkur mikið. Þetta er áhugaverður samningur og verður gaman að fylgjast með honum í okkar liði. Hann er skemmtilegur."

Cassano fór í læknisskoðun hjá Inter í gær og væntanlega verður skrifað undir samninga síðar í dag.