Tvö líf með árlegan haustfagnað

"Við erum að halda upp á árlegan hautfögnuð í áttunda sinn," segir Sigríður Lára Einarsdóttir sem rekur Tvö líf í Holtasmára í Kópavogi ásamt Ásdísi Birtu Gunnarsdóttur en á morgun veita þær 20% afsláttur af öllum vörum í versluninni.

"Það er alltaf mikið stuð og traffík hjá okkur þennan dag. Við bjóðum afsláttinn aðeins á morgun, laugardag. Við fáum hana Kristínu Dögg stílista til liðs við okkur og ætlar hún að veita fría ráðgjöf og hjálpa þeim sem vilja fullkomna sitt lúkk. Allir sem versla fara í lukkupott og munu fimm heppnir verða dregnir út og fá vörur úr versluninni í verðlaun. Þá munum við bjóða upp á léttar veitingar," segir Sigríður.

Tvölíf.is