Mikilvægur sigur Emils og félaga

Emil Hallfeðsson spilaði allan leikinn þegar að lið hans, Hellas Verona, vann 2-0 sigur á Livorno í ítölsku B-deildinni í dag.

Þarna áttust við liðin í öðru og þriðja sæti deildarinnar og með sigrinum skellti Hellas Verona sér í annað sæti deildarinnar. Liðið er með 21 stig en Livorno með nítján.

Sassuolo er á toppi B-deildarinnar með 25 stig að loknum tíu leikjum. Liðið tapaði hins vegar óvænt fyrir Cittadella í dag, 1-0, en það var fyrsta tap Sassuolo á leiktíðinni.