Hljóðlaus manndráp

Killing Them Softly er þriðja kvikmynd Andrew Dominik. Brad Pitt leikur handrukkara sem fenginn er til að koma röð og reglu á undirheima.

Kvikmyndin Killing Them Softly var frumsýnd í gær. Myndin er byggð á skáldsögu George V. Higgins og er þriðja kvikmynd ástralska leikstjórans Andrew Dominik.

Killing Them Softly segir frá handrukkaranum Jackie Cogan, leiknum af Brad Pitt, sem er fenginn til að koma á reglu í glæpasamfélaginu eftir að tveir smákrimmar ræna spilakvöld sem skipulagt er af glæpamönnum.

Myndin þykir minna um margt á Pulp Fiction og Lock, Stock and Two Smoking Barrels; samtölin eru löng og sóðaleg, umhverfið drungalegt og myndatakan listilega gerð.

Leikaralistinn er langur og stjörnum prýddur og með helstu hlutverk fara áður nefndur Brad Pitt, Scoot McNairy, Ben Mendelsohn, Ray Liotta, Richard Jenkins, James Gandolfini, Vincent Curatola, Max Casella og Sam Shepard.

Aðeins eitt kvenmannsnafn er á leikaralista Imdb.com og er það nafn Linöru Washington sem fær þann heiður að leika nafnlausa vændiskonu sem persóna Gandolfini heldur í hávegum.

Dominik segir myndina vera ádeilu á fjármálahrunið í Bandaríkjunum og líkir fjármálamönnum Wall Street við ótínda glæpamenn sem byggja veldi sín á svikum og illa fengnu fé.

Ekkert pláss er fyrir konur í þessum heimi, enda ræður "karlmennskan" ríkjum, þó hún risti grunnt þegar á reynir.

Fyrsta kvikmynd Andrew Dominik var Chopper sem kom út árið 2000 og skartaði Eric Bana í hlut