Keflavík tekur á móti Njarðvík | Búið að draga í átta liða úrslit bikarsins

Bikarmeistarar Keflavíkur mæta Njarðvík í átta liða úrslitum Powerade-bikars karla. Dregið var í karla- og kvennaflokki í dag.

Í karlaflokki verður boðið upp á tvo úrvalsdeildarslagi auk þess sem tvö úrvalsdeildarlið sækja lið úr 1. deild heim. Dráttinn má sjá hér að neðan.

Stjarnan - ÍR

Valur - Snæfell

Reynir Sandgerði - Grindavík

Keflavík - Njarðvík

Leikirnir í karlaflokki fara fram dagana 6.-8. janúar.

Í kvennaflokki á Njarðvík titil að verja en þar sem liðið er fallið úr keppni er ljóst að titillinn mun hverfa úr vörslu félagsins. Ljóst er að lið úr 1. deild kemst í undanúrslit því Hamar og Stjarnan mætast í Hveragerði.

Þór Akureyri - Snæfell

Hamar - Stjarnan

KR - Keflavík

Grindavík - Valur

Leikirnir í kvennaflokki fara fram dagana 11.-13. janúar.