Ekki er ljóst hvenær undanúrslitaleikirnir í bikarkeppni kvenna í körfuknattleik fara fram. Beðið er eftir niðurstöðu kærumáls úr leik Njarðvíkur og Keflavíkur sem fram fór í átta liða úrslitum.
Aga- og úrskurðanefnd Körfuknattleikssambands Íslands mun taka málið fyrir um leið og greinargerð berst til nefndarinnar frá þeim sem eru ábyrgir fyrir framkvæmd leiksins.
Keflvíkingar hafa kært framkvæmd leiksins. Málsatvik eru óljós, en í grófum dráttum snýst deilan um vítaskot sem Njarðvíkingar fengu á lokasekúndum leiksins eftir að mistök á ritaraborði komu í ljós. Leikurinn fór í framlengingu þar sem Njarðvík hafði betur.
Friðrik Ingi Rúnarsson, framkvæmdastjóri KKÍ, segir óljóst hver niðurstaða málsins verði. Undanúrslitaleikirnir áttu að fara fram um helgina líkt og leikirnir í undanúrslitum í karlaflokki.
Úrslitaleikirnir í þessari keppni eru á dagskrá 18. febrúar og á þessari stundu er óljóst hvort úrslitaleikurinn í kvennaflokki fer fram þennan dag. - seth
Undanúrslit í uppnámi
Sigurður Elvar Þórólfsson skrifar

Mest lesið

„Getum gengið stoltar frá borði“
Handbolti

Aron og Bjarki Már gerðu sitt í París
Handbolti

Hamrarnir héldu Refunum í fallsæti
Enski boltinn



Magnaður Sigvaldi sökkti Magdeburg
Handbolti

„Settum í sjötta gír í seinni hálfleik“
Handbolti

Bologna kom til baka gegn AC Milan
Fótbolti

