Grunaður um brot gegn ellefu ára dóttur sinni

Hæstiréttur hefur framlengt gæsluvarðhald manns sem grunaður er um gróf kynferðisbrot gegn ellefu ára gamalli dóttur sinni. Gæsluvarðhaldið gildir til 15. júní.

Maðurinn var handtekinn í desemberbyrjun og hefur verið í haldi síðan. Er þetta í sjöunda sinn sem gæsluvarðhald yfir manninum er framlengt. Ríkissaksóknari telur að réttarvitund almennings myndi særast gangi maðurinn laus auk þess sem það myndi valda almennri hneykslan í samfélaginu.

Jón Steinar Gunnlaugsson hæstaréttardómari skilaði sératkvæði og vildi fella úr gildi gæsluvarðhaldsúrskurð Héraðsdóms Vesturlands.- óká