Óttast um feril Jeremy Renners

Fjölskylda og vinir leikarans Jeremys Renner hafa áhyggjur af því að ferill hans hljóti skaða af ofdrykkju hans. Renner á að hafa drukkið ótæpilega með máltíð á Chateau Marmont hótelinu í Los Angeles.

„Jeremy var of drukkinn, sullaði á sjálfan sig og röflaði," var haft eftir sjónarvotti.

Heimildarmenn segja einnig að Renner hafi drukkið mikið á meðan hann var á kynningarferðalagi fyrir kvikmyndina Avengers. „Hann drakk heilu næturnar og vinum hans þótti nóg um. Ef hann tekur sig ekki á gæti þetta haft áhrif á feril hans," sagði heimildarmaðurinn. Talsmaður Renners neitar sögusögnunum.