Mary Poppins svífur á íslenskt svið í fyrsta skipti 4. júní 2012 11:45 Julie Andrews fór eftirminnilega með hlutverk Mary Poppins í samnefndri bíómynd sem kom út árið 1964. Það er þó ekki vitað hver fer með hlutverk ofurfóstrunnar á fjölum Borgarleikhússins. „Það er enn ekki búið að ákveða hver fari með hlutverk sjálfrar Mary Poppins en það er verið að skoða málið þessa dagana. Þetta er viðamikið verkefni og ekki búið að ráða í nein hlutverk," segir Magnús Geir Þórðarson, leikhússtjóri Borgarleikhússins, um söngleikinn um Mary Poppins sem verður frumsýndur þar í febrúar 2013. Flestir þekkja söguna um göldróttu barnapíuna Mary Poppins. Bækur um hana komu út á þriðja áratug síðustu aldar og á þeim sjöunda var þeim breytt í söngvamynd þar sem Julie Andrews fór svo eftirminnilega með hlutverk ofurfóstrunnar. Mary Poppins komst þó ekki á leiksvið fyrr en árið 2004. „Það var fyrst þá sem langþráður draumur margra rættist og heimild fékkst til að gera söngleik úr sögunni. Það var stærsti leikhúsframleiðandi í heimi, Cameron Mackintosh, sem frumsýndi verkið á West End í London," segir Magnús Geir. Að hans sögn lágu rétthafar lengi einir að söngleiknum en eru nú loks farnir að veita öðrum leyfi til þess að setja hann upp og verið er að sýna verkið um allan heim við gríðarlegar vinsældir. „Við erum búin að vera í viðræðum um íslenska uppsetningu verksins í nokkur ár og fengum nú loksins heimild til að hrinda þessu í gang," bætir hann við. Um er að ræða ævintýralega fjölskyldusýningu þar sem mikið er um tónlist og dans og að baki henni stendur stór hópur leikara, söngvara og dansara.Bergur Þór Ingólfsson hefur verið ráðinn leikstjóri sýningarinnar.„Þarna fer saman grípandi tónlist, skemmtilegur húmor og tilkomumikil atriði. Eins og þeir sem þekkja söguna vita þá flýgur Mary Poppins, auk þess sem hún er göldrótt, svo sýningin er stór og flókin í sniðum," segir Magnús Geir og bætir við að það sé mikil tilhlökkun innan veggja Borgarleikhússins að ráðast í svo krefjandi verkefni. Bergur Þór Ingólfsson hefur verið ráðinn sem leikstjóri sýningarinnar, en hann leikstýrði meðal annars Galdrakarlinum í Oz sem var sýnt á fjölum Borgarleikhússins í fyrra. Æfingar koma til með að hefjast á haustmánuðum og fara á fullt í desember, en eins og áður sagði er áætluð frumsýning í febrúar 2013. tinnaros@frettabladid.is Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Það er enn ekki búið að ákveða hver fari með hlutverk sjálfrar Mary Poppins en það er verið að skoða málið þessa dagana. Þetta er viðamikið verkefni og ekki búið að ráða í nein hlutverk," segir Magnús Geir Þórðarson, leikhússtjóri Borgarleikhússins, um söngleikinn um Mary Poppins sem verður frumsýndur þar í febrúar 2013. Flestir þekkja söguna um göldróttu barnapíuna Mary Poppins. Bækur um hana komu út á þriðja áratug síðustu aldar og á þeim sjöunda var þeim breytt í söngvamynd þar sem Julie Andrews fór svo eftirminnilega með hlutverk ofurfóstrunnar. Mary Poppins komst þó ekki á leiksvið fyrr en árið 2004. „Það var fyrst þá sem langþráður draumur margra rættist og heimild fékkst til að gera söngleik úr sögunni. Það var stærsti leikhúsframleiðandi í heimi, Cameron Mackintosh, sem frumsýndi verkið á West End í London," segir Magnús Geir. Að hans sögn lágu rétthafar lengi einir að söngleiknum en eru nú loks farnir að veita öðrum leyfi til þess að setja hann upp og verið er að sýna verkið um allan heim við gríðarlegar vinsældir. „Við erum búin að vera í viðræðum um íslenska uppsetningu verksins í nokkur ár og fengum nú loksins heimild til að hrinda þessu í gang," bætir hann við. Um er að ræða ævintýralega fjölskyldusýningu þar sem mikið er um tónlist og dans og að baki henni stendur stór hópur leikara, söngvara og dansara.Bergur Þór Ingólfsson hefur verið ráðinn leikstjóri sýningarinnar.„Þarna fer saman grípandi tónlist, skemmtilegur húmor og tilkomumikil atriði. Eins og þeir sem þekkja söguna vita þá flýgur Mary Poppins, auk þess sem hún er göldrótt, svo sýningin er stór og flókin í sniðum," segir Magnús Geir og bætir við að það sé mikil tilhlökkun innan veggja Borgarleikhússins að ráðast í svo krefjandi verkefni. Bergur Þór Ingólfsson hefur verið ráðinn sem leikstjóri sýningarinnar, en hann leikstýrði meðal annars Galdrakarlinum í Oz sem var sýnt á fjölum Borgarleikhússins í fyrra. Æfingar koma til með að hefjast á haustmánuðum og fara á fullt í desember, en eins og áður sagði er áætluð frumsýning í febrúar 2013. tinnaros@frettabladid.is
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira