Stórt hjarta í þessu 1. september 2012 16:00 Jóhannes Haukur og Ævar Þór Klukkan er tíu að morgni og leikarar Þjóðleikhússins að tínast í hús bakdyramegin. Sumir eru komnir til að æfa Dýrin í Hálsaskógi sem á að frumsýna 8. september, þeirra á meðal þeir Jóhannes Haukur og Ævar Þór. En áður en sminkurnar ná til þeirra eru þeir króaðir af í viðtal og fyrsta spurning er hvernig stemningin sé í Hálsaskógi. „Stemningin í Hálsaskógi er hress og baksviðs eru allir vinir enn þá. En ef sýningin gengur í mörg ár gæti auðvitað farið að slitna upp úr vinskapnum og við farið að klóra hvert annað í sminkstólnum," segir Jói. Þar er greinilega stutt í refseðlið! Lilli klifurmús er stærsta hlutverk Ævars Þórs til þessa. „Ég útskrifaðist fyrir tveimur árum úr leiklistarskólanum og þetta hlutverk er stór biti og mjög góður biti," segir hann. Jói: „Árni Tryggva er búinn að sjá Ævar sem Lilla og gefa samþykki sitt. (Snýr sér að Ævari) Hvað var það aftur sem hann sagði þegar þú hittir hann eftir æfinguna?" Ævar: „Ég spurði hann hvort þetta hefði sloppið og hann hló og sagði: „Já, rétt fyrir horn." Svo bætti hann við grínlaust að hann hefði skemmt sér vel og var ánægður með hversu nálægt upphaflegu uppsetningunni sýningin væri. Við fylgjum líka handritinu sem mest. Það er svo stórt hjarta í þessu verki." Jói: „Já, við leggjum okkur fram við að flytja það orðrétt af því fólk þekkir það svo vel. Hins vegar gefum við okkur mikið frelsi í allri sviðsetningu, lýsingu, búningum og leikmynd. Ævar: „Leikmynd Ilmar Stefánsdóttur er alger ævintýraheimur bæði fyrir börn og fullorðna." Hversu margar uppfærslur skyldu þessir ungu menn sjálfir hafa séð? Jói: „Við misstum af Bessa og Árna. Síðari uppfærsla þeirra var 1977 og ég er ekki fæddur fyrr en 1980 og Ævar seinna. En ég sá hana 1994, þegar Örn lék Lilla og síðustu uppfærslu sá ég bara á DVD. Ævar: „Það er alveg eins með mig. Svo hlustuðum við líka á spólurnar fram og til baka. Eitt af því sem ég hlustaði á þegar ég fór að sofa." Jói: „Þess vegna er eitt sem verður að halda í, það er hláturinn hans Bessa sem Mikki refur. Ég legg mína túlkun í refinn en ég reyni að nota hláturinn hans Bessa því hann er svo frábær." Ævar: „Eftir að síðasta sýning var sett á DVD fór Örn Árna niður í sjónvarp og fann þar gamlar upptökur með Bessa og Árna, tvö atriði sem höfðu verið tekin upp fyrir Stundina okkar. Þau eru svarthvít og restin af sýningunni er ekki til. Við skoðuðum þessi atriði og það er svo gaman að sjá karlana í aksjón. Þeir voru nefnilega fimmtugir þegar þeir léku Mikka og Lilla í seinna skiptið. Hvað Árni fer létt með að klifra, það er alveg magnað." Ævar: „Stærsta tréð er fjórir metrar og ég verð að sveifla mér þangað en refurinn hann kemst auðvitað ekkert, þótt hann langi." Jói: „Fyrst Bessi og Árni gátu þetta fimmtugir þá ætti okkur ekki að vera vorkunn. Það er aðallega Snorri Engilbertsson sem leikur bakaradrenginn sem fær aldeilis að sprikla í sýningunni." Nokkur börn í einu herbergi leikhússins höfðu vakið athygli blaðamanns þegar hann kom inn. Þau gerðu sér dælt við Jóa og gerðu tilraun til að kyrrsetja hann. Í ljós kemur að þau leika í Dýrunum. Jói: „Það er hópur af börnum í sýningunni. Yndislegum börnum." Ævar: „…og hæfileikaríkum. Þau fóru í gegnum inntökuferli og voru vandlega valin enda þurfa þau að kunna fimleika og að syngja og dansa." Jói: „Ég er alltaf að stríða krökkunum og geng alveg í barndóm við að umgangast þau." Nú byrja þeir félagar að hlaða hvorn annan slíku lofi að blaðamaður veit ekkert hvað er sagt í gríni og hvað ekki svo hann ákveður að slíta viðtalinu. Jói: „Ég vil bara enda á að segja hvað Ævar er frábær…" Ævar: „…og Jói er alls ekki síðri." Börnunum baksviðs hefur fjölgað meðan á viðtalinu stóð og andlit þeirra hafa breyst í héra, kanínur og fleiri skógardýr. En öll virðast þau vinir." Lífið Mest lesið „Rúrik Gíslason hefur sagt hæ við mig“ Lífið Jafet Máni selur íbúð með ræktarsal Lífið Ertu sauður? Fimm ráð sem geta forðað þér frá hjarðhegðun Lífið Ástarsenur í viku tvö með stórleikaranum Lífið Segir spjallmenni Meta herja kynferðislega á börn Lífið Kókaínklásúla í kaupmálanum tryggir Keith rúman milljarð Lífið Centro-hjónin selja Beverly Hills-villuna Lífið Rússar meina kvikmyndagerðarmanni að koma til Íslands Bíó og sjónvarp „Þarf ekkert að klífa Everest til að finnast ég einhvers virði“ Lífið Hvenær verður afbrýðisemi út í fortíð maka að þráhyggju? Lífið Fleiri fréttir Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Hvenær verður afbrýðisemi út í fortíð maka að þráhyggju? Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Friðarsúlan tendruð í nítjánda sinn 9. október Sindri og Albert selja Skerjafjarðarslotið Skrýtið næturlíf og ævintýri sem fylgja partýjunum „Ég er mjög hrædd um að einhver ræni mér“ Var á klóinu þegar skilaboðin bárust og hélt að ferlinum væri lokið Leið yfir hana umkringd nöktum konum Herra Skepna sló Hafþór utan undir Danir taka ekki afstöðu gegn Ísrael Aðstoðarþjálfarinn reyndist ekki vera transkona Hnetukjúklingurinn hennar Höllu Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Sjá meira
Klukkan er tíu að morgni og leikarar Þjóðleikhússins að tínast í hús bakdyramegin. Sumir eru komnir til að æfa Dýrin í Hálsaskógi sem á að frumsýna 8. september, þeirra á meðal þeir Jóhannes Haukur og Ævar Þór. En áður en sminkurnar ná til þeirra eru þeir króaðir af í viðtal og fyrsta spurning er hvernig stemningin sé í Hálsaskógi. „Stemningin í Hálsaskógi er hress og baksviðs eru allir vinir enn þá. En ef sýningin gengur í mörg ár gæti auðvitað farið að slitna upp úr vinskapnum og við farið að klóra hvert annað í sminkstólnum," segir Jói. Þar er greinilega stutt í refseðlið! Lilli klifurmús er stærsta hlutverk Ævars Þórs til þessa. „Ég útskrifaðist fyrir tveimur árum úr leiklistarskólanum og þetta hlutverk er stór biti og mjög góður biti," segir hann. Jói: „Árni Tryggva er búinn að sjá Ævar sem Lilla og gefa samþykki sitt. (Snýr sér að Ævari) Hvað var það aftur sem hann sagði þegar þú hittir hann eftir æfinguna?" Ævar: „Ég spurði hann hvort þetta hefði sloppið og hann hló og sagði: „Já, rétt fyrir horn." Svo bætti hann við grínlaust að hann hefði skemmt sér vel og var ánægður með hversu nálægt upphaflegu uppsetningunni sýningin væri. Við fylgjum líka handritinu sem mest. Það er svo stórt hjarta í þessu verki." Jói: „Já, við leggjum okkur fram við að flytja það orðrétt af því fólk þekkir það svo vel. Hins vegar gefum við okkur mikið frelsi í allri sviðsetningu, lýsingu, búningum og leikmynd. Ævar: „Leikmynd Ilmar Stefánsdóttur er alger ævintýraheimur bæði fyrir börn og fullorðna." Hversu margar uppfærslur skyldu þessir ungu menn sjálfir hafa séð? Jói: „Við misstum af Bessa og Árna. Síðari uppfærsla þeirra var 1977 og ég er ekki fæddur fyrr en 1980 og Ævar seinna. En ég sá hana 1994, þegar Örn lék Lilla og síðustu uppfærslu sá ég bara á DVD. Ævar: „Það er alveg eins með mig. Svo hlustuðum við líka á spólurnar fram og til baka. Eitt af því sem ég hlustaði á þegar ég fór að sofa." Jói: „Þess vegna er eitt sem verður að halda í, það er hláturinn hans Bessa sem Mikki refur. Ég legg mína túlkun í refinn en ég reyni að nota hláturinn hans Bessa því hann er svo frábær." Ævar: „Eftir að síðasta sýning var sett á DVD fór Örn Árna niður í sjónvarp og fann þar gamlar upptökur með Bessa og Árna, tvö atriði sem höfðu verið tekin upp fyrir Stundina okkar. Þau eru svarthvít og restin af sýningunni er ekki til. Við skoðuðum þessi atriði og það er svo gaman að sjá karlana í aksjón. Þeir voru nefnilega fimmtugir þegar þeir léku Mikka og Lilla í seinna skiptið. Hvað Árni fer létt með að klifra, það er alveg magnað." Ævar: „Stærsta tréð er fjórir metrar og ég verð að sveifla mér þangað en refurinn hann kemst auðvitað ekkert, þótt hann langi." Jói: „Fyrst Bessi og Árni gátu þetta fimmtugir þá ætti okkur ekki að vera vorkunn. Það er aðallega Snorri Engilbertsson sem leikur bakaradrenginn sem fær aldeilis að sprikla í sýningunni." Nokkur börn í einu herbergi leikhússins höfðu vakið athygli blaðamanns þegar hann kom inn. Þau gerðu sér dælt við Jóa og gerðu tilraun til að kyrrsetja hann. Í ljós kemur að þau leika í Dýrunum. Jói: „Það er hópur af börnum í sýningunni. Yndislegum börnum." Ævar: „…og hæfileikaríkum. Þau fóru í gegnum inntökuferli og voru vandlega valin enda þurfa þau að kunna fimleika og að syngja og dansa." Jói: „Ég er alltaf að stríða krökkunum og geng alveg í barndóm við að umgangast þau." Nú byrja þeir félagar að hlaða hvorn annan slíku lofi að blaðamaður veit ekkert hvað er sagt í gríni og hvað ekki svo hann ákveður að slíta viðtalinu. Jói: „Ég vil bara enda á að segja hvað Ævar er frábær…" Ævar: „…og Jói er alls ekki síðri." Börnunum baksviðs hefur fjölgað meðan á viðtalinu stóð og andlit þeirra hafa breyst í héra, kanínur og fleiri skógardýr. En öll virðast þau vinir."
Lífið Mest lesið „Rúrik Gíslason hefur sagt hæ við mig“ Lífið Jafet Máni selur íbúð með ræktarsal Lífið Ertu sauður? Fimm ráð sem geta forðað þér frá hjarðhegðun Lífið Ástarsenur í viku tvö með stórleikaranum Lífið Segir spjallmenni Meta herja kynferðislega á börn Lífið Kókaínklásúla í kaupmálanum tryggir Keith rúman milljarð Lífið Centro-hjónin selja Beverly Hills-villuna Lífið Rússar meina kvikmyndagerðarmanni að koma til Íslands Bíó og sjónvarp „Þarf ekkert að klífa Everest til að finnast ég einhvers virði“ Lífið Hvenær verður afbrýðisemi út í fortíð maka að þráhyggju? Lífið Fleiri fréttir Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Hvenær verður afbrýðisemi út í fortíð maka að þráhyggju? Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Friðarsúlan tendruð í nítjánda sinn 9. október Sindri og Albert selja Skerjafjarðarslotið Skrýtið næturlíf og ævintýri sem fylgja partýjunum „Ég er mjög hrædd um að einhver ræni mér“ Var á klóinu þegar skilaboðin bárust og hélt að ferlinum væri lokið Leið yfir hana umkringd nöktum konum Herra Skepna sló Hafþór utan undir Danir taka ekki afstöðu gegn Ísrael Aðstoðarþjálfarinn reyndist ekki vera transkona Hnetukjúklingurinn hennar Höllu Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Sjá meira