Hús Línu öll skráð á 26 ára dóttur hennar 25. október 2012 06:00 Lína Jia Lína Jia, kínversk kona sem er til rannsóknar hjá lögreglu vegna gruns um mansal, á fjórar fasteignir víðs vegar á höfuðborgarsvæðinu. Húsin eru þó öll skráð í fasteignaskrá á dóttur hennar, sem er 26 ára námsmaður og píanóleikari. Samkvæmt heimildum Fréttablaðsins halda Lína og eiginmaður hennar, Wei Zhang, mestmegnis til í 410 einbýlishúsi þeirra í Hverafold. Lína hefur flutt inn fólk frá Kína undanfarin ár og ráðið það í vinnu hjá sér á nuddstofum sínum. Flestir eru fjarskyldir ættingjar hennar og koma því hingað til lands sem fjölskyldumeðlimir íslensks ríkisborgara, en þá fá þeir lengra dvalarleyfi hér en ella. Tvær ábendingar hafa borist Fréttablaðinu varðandi unga kínverska konu sem var í vinnu hjá Línu. Stúlkan leitaði sér aðstoðar í Alþjóðahúsi árið 2004 og sakaði Línu um að selja sig út í vændi. Hún kom þó aldrei aftur og hvarf af nuddstofunni eftir tiltölulega stuttan tíma. Einn viðskiptavinurinn lýsir henni sem broshýrri og elskulegri, en mjög undirgefinni gagnvart yfirmanni sínum. Fram kom í Fréttablaðinu á þriðjudag að kínversk kona, Sun Fulan, hefði sent lögreglunni bréf þess efnis að hún og fleiri Kínverjar hefðu verið ráðnir í vinnu hjá Línu án þess að hafa fengið greidd réttmæt laun. Í bréfi sínu lýsir Sun að á þeim fjórum árum sem hún hafi unnið hjá Línu hafi henni verið gert að vinna sleitulaust í 14 til 15 klukkustundir á dag á nuddstofunni, bera út blöð og vinna við fasteignir víðs vegar um borgina sem hjónin höfðu keypt. Fyrir árin fjögur hefði Sun fengið um 315 þúsund krónur, eða um 6.500 krónur á mánuði. Sun Fulan tilgreinir í bréfinu að ættingi Línu, maður að nafni Li Nan, hafi verið læstur inni, vegabréfið hans tekið og honum bannað að hafa samband við umheiminn eftir að hann kom til vinnu á nuddstofunni. Í kjölfar umfjöllunar Fréttablaðsins bárust Alþýðusambandinu svo ábendingar frá fyrrverandi viðskiptavinum Línu. Sun hefur einnig sagt að Lína hafi lagt peninga inn á bankareikning sinn og látið hana síðan taka þá út í bankanum. Lína hafi svo tekið peningana af Sun fyrir utan bankann, en Sun bendir á að athafnirnar séu líklega til á öryggismyndavélum. Árið 2006 kom upp svipað mál, þar sem Lína lagði inn peninga á reikning manns sem vann hjá henni og ætlaði að láta hann taka þá út til að afhenda sér. Áður en það gerðist sótti maðurinn sér aðstoð í Alþjóðahúsi og létu ráðgjafar þar frysta innistæðurnar á meðan á rannsókn málsins stóð hjá lögreglu. Maðurinn flúði svo land. Kínverska sendiráðið bendir á að Lína Jia sé nú orðin íslenskur ríkisborgari og sé mál hennar því ekki á borði sendiráðsins. Sendifulltrúi þar segist ekkert vita um mál Sun Fulan, en hún sendi bréf þangað í febrúar síðastliðnum þar sem hún óskaði eftir aðstoð og benti á að Lína héldi rúmlega tvítugum karlmanni, Li Nan, nauðugum. Ekkert er vitað um afdrif hans í dag og Lína hefur ekki svarað fyrirspurnum Fréttablaðsins síðan á mánudag. sunna@frettabladid.is Fréttir Mest lesið „Af hverju ertu svona í framan?“ Innlent Var að streyma á TikTok þegar hann féll til jarðar og lést Erlent Alelda bíll á Reykjanesbraut Innlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent „Algjörlega alveg út í hött“ Innlent Fjöldi án rafmagns vegna vonskuveðurs í Noregi Erlent Skipar Ísraelum að hætta að sprengja Erlent Umferðin færist inn á íbúðagötur Innlent Boða íbúafundi vegna mögulegrar sameiningar sveitarfélaganna Innlent Fleiri fréttir Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Sjá meira
Lína Jia, kínversk kona sem er til rannsóknar hjá lögreglu vegna gruns um mansal, á fjórar fasteignir víðs vegar á höfuðborgarsvæðinu. Húsin eru þó öll skráð í fasteignaskrá á dóttur hennar, sem er 26 ára námsmaður og píanóleikari. Samkvæmt heimildum Fréttablaðsins halda Lína og eiginmaður hennar, Wei Zhang, mestmegnis til í 410 einbýlishúsi þeirra í Hverafold. Lína hefur flutt inn fólk frá Kína undanfarin ár og ráðið það í vinnu hjá sér á nuddstofum sínum. Flestir eru fjarskyldir ættingjar hennar og koma því hingað til lands sem fjölskyldumeðlimir íslensks ríkisborgara, en þá fá þeir lengra dvalarleyfi hér en ella. Tvær ábendingar hafa borist Fréttablaðinu varðandi unga kínverska konu sem var í vinnu hjá Línu. Stúlkan leitaði sér aðstoðar í Alþjóðahúsi árið 2004 og sakaði Línu um að selja sig út í vændi. Hún kom þó aldrei aftur og hvarf af nuddstofunni eftir tiltölulega stuttan tíma. Einn viðskiptavinurinn lýsir henni sem broshýrri og elskulegri, en mjög undirgefinni gagnvart yfirmanni sínum. Fram kom í Fréttablaðinu á þriðjudag að kínversk kona, Sun Fulan, hefði sent lögreglunni bréf þess efnis að hún og fleiri Kínverjar hefðu verið ráðnir í vinnu hjá Línu án þess að hafa fengið greidd réttmæt laun. Í bréfi sínu lýsir Sun að á þeim fjórum árum sem hún hafi unnið hjá Línu hafi henni verið gert að vinna sleitulaust í 14 til 15 klukkustundir á dag á nuddstofunni, bera út blöð og vinna við fasteignir víðs vegar um borgina sem hjónin höfðu keypt. Fyrir árin fjögur hefði Sun fengið um 315 þúsund krónur, eða um 6.500 krónur á mánuði. Sun Fulan tilgreinir í bréfinu að ættingi Línu, maður að nafni Li Nan, hafi verið læstur inni, vegabréfið hans tekið og honum bannað að hafa samband við umheiminn eftir að hann kom til vinnu á nuddstofunni. Í kjölfar umfjöllunar Fréttablaðsins bárust Alþýðusambandinu svo ábendingar frá fyrrverandi viðskiptavinum Línu. Sun hefur einnig sagt að Lína hafi lagt peninga inn á bankareikning sinn og látið hana síðan taka þá út í bankanum. Lína hafi svo tekið peningana af Sun fyrir utan bankann, en Sun bendir á að athafnirnar séu líklega til á öryggismyndavélum. Árið 2006 kom upp svipað mál, þar sem Lína lagði inn peninga á reikning manns sem vann hjá henni og ætlaði að láta hann taka þá út til að afhenda sér. Áður en það gerðist sótti maðurinn sér aðstoð í Alþjóðahúsi og létu ráðgjafar þar frysta innistæðurnar á meðan á rannsókn málsins stóð hjá lögreglu. Maðurinn flúði svo land. Kínverska sendiráðið bendir á að Lína Jia sé nú orðin íslenskur ríkisborgari og sé mál hennar því ekki á borði sendiráðsins. Sendifulltrúi þar segist ekkert vita um mál Sun Fulan, en hún sendi bréf þangað í febrúar síðastliðnum þar sem hún óskaði eftir aðstoð og benti á að Lína héldi rúmlega tvítugum karlmanni, Li Nan, nauðugum. Ekkert er vitað um afdrif hans í dag og Lína hefur ekki svarað fyrirspurnum Fréttablaðsins síðan á mánudag. sunna@frettabladid.is
Fréttir Mest lesið „Af hverju ertu svona í framan?“ Innlent Var að streyma á TikTok þegar hann féll til jarðar og lést Erlent Alelda bíll á Reykjanesbraut Innlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent „Algjörlega alveg út í hött“ Innlent Fjöldi án rafmagns vegna vonskuveðurs í Noregi Erlent Skipar Ísraelum að hætta að sprengja Erlent Umferðin færist inn á íbúðagötur Innlent Boða íbúafundi vegna mögulegrar sameiningar sveitarfélaganna Innlent Fleiri fréttir Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Sjá meira