Nýir tímar fram undan

Nicolas Ghesquiere er hættur hjá Balenciaga og Alexander Wang er tekinn við sem yfirhönnuður.

Hönnuðurinn Alexander Wang er tekinn við sem yfirhönnuður tískuhússins Balenciaga. Wang tekur við af Nicolas Ghesquiere sem hefur stýrt tískuhúsinu síðustu fimmtán ár og skapað því miklar vinsældir.

Tískuhúsið var stofnað af spænska klæðskeranum Cristóbal Balenciaga árið 1914 og á sér langa og merka sögu. Balenciaga þótti framsækinn hönnuður og var þekktur fyrir hreinar línur og framúrstefnulega hönnun. Hann opnaði sína fyrstu verslun í San Sebastián árið 1918 og nokkru síðar opnaði hann tvær til viðbótar í Madríd og Barcelona. Margir hæfileikaríkir hönnuðir hófu feril sinn hjá Balenciaga og má þar helst nefna menn á borð við Oscar de la Renta, Emanuel Ungaro og Hubert de Givenchy. Balenciaga hætti rekstri sínum árið 1968 og lést fjórum árum síðar, þá 77 ára að aldri.

Tískuhúsið var glætt lífi að nýju árið 1986 þegar Jacques Bogart S.A. hlaut réttinn að nafninu og stuttu síðar var línan Le Dix frumsýnd.