Arsenal-leikskóli í Noregi

Það eru til eldheitir stuðningsmenn enska boltans út um allan heim. Norskir stuðningsmenn Arsenal sem reka leikskóla ganga þó lengra en flestir aðrir.

Eigendur leikskólans í Osló reka nefnilega skólann sinn með Arsenal-þema. Leikskólinn heitir einfaldlega, Arsenal-leikskólinn.

Þar læra krakkarnir allt um félagið. Fylgjast með leikjum félagsins á risaskjá og syngja síðan Arsenal-söngva. Úti er síðan búið að setja upp lítinn fótboltavöll sem nefndur er litli Highbury. Að sjálfsögðu er síðan flaggað á leikdegi.

Sitt sýnist hverjum um þetta uppátæki en það hefur í það minnsta vakið mikla athygli.

Skólinn er síðan á Twitter og má skoða myndir þar af starfinu. Vísir mælir með því. Hægt er að nálgast aðganginn hér.

Hér að neðan má síðan sjá skemmtilegt innslag TV2 um skólann.