Innlit í snekkju Simons Cowells

Tónlistarmógúllinn Simon Cowell er búinn að njóta lífsins í fríi á St. Barts að undanförnu. Simon velur aðeins það besta og eyðir mestum tíma sínum á glæsisnekkju.

Leigan á snekkjunni kostar hann 270 þúsund pund á viku, rúmlega 56 milljónir króna. Í snekkjunni er svefnpláss fyrir tólf og hafa fyrrverandi kærustur Simons, Sinitta og Mezhgan Hussainy, meðal annars fengið að gista með honum um borð.

Móðir Simons, Julie, hefur líka sést á St. Barts en Simon borgar undir hana hótelherbergi sem kostar tvö þúsund pund nóttin, rúmlega fjögur hundruð þúsund.

Simon leigir sömu snekkjuna á ári hverju og er með fjórtán manns í vinnu um borð.

Þú gætir unnið - vertu með okkur á Facebook.