Furðutaska frá Chanel vekur lukku

Hið virta tískuhús Chanel sendi frá sér ákaflega fallega vor-og sumarlínu þetta árið. Það sem vakti þó mikið umtal í meðal tískuspekúlanta voru fylgihlutirnir í línunni, og er það þá sérstaklega ein taska sem hefur verið mjög umdeild. Taskan, sem er er eins og húllahringur í laginu, fellur líklegast í flokk með þeim hlutum sem ganga bara upp á sýningarpöllunum og erfitt er að ímynda sér í raunveruleikanum. Það hefur þó ekki stoppað mörg af helstu tískutímaritum heims í að nota töskuna góðu í myndaþætti, en þessi furðulegi fylgihlutur verður áberandi í tímaritahillum næstu mánuði.