Selur íslenska hönnun í vélum Icelandair

"Það gengur rosa vel, " segir Íris Björk Tanya Jónsdóttir athafnakona sem keypti hönnun gullsmiðsins Guðbjarts Þorleifssonar í desember í fyrra en hún selur nú skartgripina eftir hann um borð í flugvélum Icelandair.

"Við erum að vinna að markaðssetningu á vörunum eftir Guðbjart en hann á sér yfir 60 ára sögu í hönnun og gullsmíði og er sannarlega falinn fjársjóður."

Tímalaus hönnun

"Infinity armbandið hefur verið mjög vinsælt en þessi gripur er algjörlega tímalaus hönnun sem skartar kristnum trúartáknum. Það var hannað í tenglsum við Kristnihátíðna um síðustu aldamót. Við erum að horfa á erlendan markað þessa dagana og erum mjög spennt fyrir því að takast á við þann markað," segir Íris.

Enginn asi

"Við erum stolt af því að vera komin með vöruna í sölu um borð í Icelandair vélarnar og stefnum nú að bæta við línuna á komandi mánuðum. Við gerum þetta allt hægt og hljótt og enginn asi sem er nú kannski ekki líkt mér," segir hún.

Engin tískubóla

"Við erum með vöru sem er komin til að vera enda var nafnið á merkinu valið með það í huga; Vera design. Þetta er engin tískubóla sem á eftir að springa heldu klassísk vara sem erfist á milli kynslóða."

Facebooksíða Veru Design.

Dragðu Tarotspil dagsins hér.