Þybbni lúðinn sem varð heimsfrægur hönnuður

Fatahönnuðurinn Marc Jacobs hefur sjaldan litið betur út en þegar hann fagnaði fimmtíu ára afmæli sínu í Rio de Janeiro í Brasilíu um helgina.

Það er ótrúlegt að hugsa til þess hvernig hann leit út í byrjun ferilsins.

Marc var nefnilega ekki alltaf svona heilsuhraustur né smart. Hann var þvert á móti frekar þybbinn, með úfið hár og hugsaði ekki mikið um fötin sem hann klæddist.

"Ég hugsaði ekkert um útlitið. Það skipti mig engu máli," lét Marc hafa eftir sér í viðtali við Harper's Bazaar fyrir stuttu. Árið 2006 breytti hann um lífsstíl.

"Líkamsfita mín var tuttugu prósent. Mér fannst frábært þegar ég komst niður í fimm prósent og varð vöðvastæltur," segir Marc og bætir við að hann hafi lifað á skyndibita þegar hann var sem mjúkastur.

Dragðu Tarotspil dagsins hér.