Bale: Draumur minn að rætast

Gareth Bale skrifaði bréf á opinbera síðu Tottenham þar sem hann þakkar fyrir árin sex hjá félaginu.

„Ég vill þakka öllum hjá klúbbnum, framkvæmdarstjórninni, starfsmönnum, þjálfurum og leikmönnum. Síðast en ekki síðst vill ég þakka stuðningsmönnum Tottenham sem ég vona að skilji þetta ótrúlega tækifæri fyrir mig,"

Bale sem hefur verið orðaður við Real Madrid í allt sumar spilaði í sex ár fyrir Tottenham. Síðasta tímabil hans var hans besta þar sem hann skoraði 31 mark í öllum leikjum með Tottenham og Velska landsliðinu.

„Það er alltaf erfitt að fara frá klúbbi sem þér líður vel hjá. Ég átti bestu leiki á ferli mínum í Tottenham treyjunni. Ég væri ekki á þeim stað sem ég er á í dag nema með aðstoð fyrst Southampton og svo Tottenham sem stóðu með mér í gegnum erfiða tíma."

„Ég mun muna eftir tíma mínum hjá Tottenham með gleði í hjarta og ég er viss um að þetta tímabil eigi eftir að vera gott. Ég hlakka til að takast á við næsta kafla í mínu lífi. Ég get sagt að draumur minn sé að rætast að spila fyrir Real Madrid," sagði Bale.