Lagði upp jöfnunarmark á sama tíma og hann missti marka­metið

Stockport County lenti undir strax á elleftu mínútu og var enn undir þegar Benoný Breki kom inn á völlinn sem varamaður á 64. mínútu leiksins.

Benoný lagði upp jöfnunarmarkið á 81. mínútu en það skoraði Adama Sidibeh eftir að hafa fengið stoðsendingu frá íslenska framherjanum.

Benoný hjálpaði því sínu liði að ná í stigið en á sama tíma var hann að missa markametið í efstu deild á Íslandi þegar Aron Sigurðarson skoraði tvö mörk í 8-3 sigri KR á Blikum.

Benoný Breki hefur ekki skoraði í deildinni á leiktíðinni en þetta var hans önnur stoðsending.

Stockport County er í öðru sæti deildarinnar, tveimur stigum á eftir toppliði Huddersfield.