Flautuþristur Matthíasar Orra

Matthías Orri Sigurðarson virðist kunna vel við sig á fjölum Seljaskóla ef marka má sigurkörfu hans gegn Blikum í gær.

KR-ingurinn uppaldi fékk boltann í hendurnar þegar 4,5 sekúndur lifðu leiks og gestirnir úr Kópavogi með tveggja stiga forskot, 83-81.

Undir mikilli pressu tók Matthíasi að ná skoti utan þriggja stiga línunnar og ofan í fór boltinn. Sigurinn tryggði ÍR-ingum þriðja sætið í D-riðli Fyrirtækjabikarsins. KR og Snæfell höfðu þegar tryggt sér efstu tvö sætin.

Körfuna mögnuðu má sjá í spilaranum hér að ofan.

Átta liða úrslitin í Fyrirtækjabikar karla fara fram annað kvöld. Þá mætast:

Keflavík - Þór Þorlákshöfn

Njarðvík - Grindavík

KR - KFÍ

Stjarnan - Snæfell