Nýr Kani í Stjörnuna

Körfuknattleiksdeild Stjörnunnar hefur samið við bandarískan leikmanninn Nasir Robinson og mun hann því spila með liðinu á komandi leiktíð í Dominos-deild karla.

Robinson er 195 sm á hæð og lék með Pittsburgh háskólanum í Bandaríkjunum til ársins 2012.

Nýjar reglur í íslensku deildinni kveða á um það að aðeins einn erlendur leikmaður má vera inn á vellinum í einu og því er hver útlendingur gríðarlega mikilvægur.

Stjarnan fór alla leið í oddaleik um Íslandsmeistaratitilinn gegn Grindvíkingum á síðustu leiktíð en liðið tapaði í lokaleiknum. Stjarnan varð bikarmeistari á síðustu leiktíð.