Radcliffe mun ekki leika Harry Potter aftur

Daniel Radcliffe, Harry Potter leikarinn þekkti, hefur lýst því yfir að hann muni líklegast ekki taka þátt í hliðarsögu sem verður gerð út frá kvikmyndunum.

„Ég held ég muni ekki snúa aftur,“ sagði hann í viðtali við The Hollywood Reporter.

Tilkynnt var í september að handrit myndarinnar „Fantastic Beasts and Where to Find Them“ verði skrifuð af höfundi Harry Potter bókanna, J.K. Rowling.

„Við getum ekki leikið þessa persónur þegar við erum orðin fertug. Það verður að draga línuna einhvers staðar,"sagði Radcliffe. Hann lokaði þó ekki alveg á framhaldið. „Ég veit aldrei hvað Jo (J.K. Rowling) mun skrifa, en eins og stendur er ég í sömu stöðu og aðrir, bíð bara eftir að heyra hvað kemur út úr þessu af því ég veit ekki neitt um þessar nýju myndir.“

Myndirnar verða byggðar á sögu skrifaða um Hogwartsskólann sem kemur fyrir í Harry Potter bókunum eftir Newt Scamander.