Ólafur Darri í nýju sýnishorni úr True Detective

Leikaranum Ólafi Darra Ólafssyni bregður fyrir í nýju sýnishorni úr sjónvarpsþáttunum True Detective sem sjónvarpsstöðin HBO tekur til sýninga eftir áramót. Ólafur fer með lítið hlutverk í þáttunum og segir það hafa verið frábært að vinna við þá.

„Þarna voru snillingar á öllum póstum,“ segir Ólafur um þættina og hann er ánægður með sýnishornið. „Leikstjórinn er algjörlega frábær og þetta kom bara ótrúlega vel út.“

Ólafur talar vel um mótleikara sína en aðalleikarar þáttanna eru þeir Matthew McConaughey og Woody Harrelson.  Hann vill þó ekki tjá sig um innihald þáttanna eða afdrif persónu sinnar.

Sjá má sýnishornið í spilaranum hér fyrir neðan.