Gaupi í verslunarleiðangur með tveimur risum

Guðjón Guðmundsson, íþróttafréttamaður Stöðvar 2, skellti sér í verslunarleiðangur með þeim Ragnari Ágústi Nathanaelssyni og Agli Jónasson á dögunum en þeir tveir eru hávöxnustu menn Íslands, báðir um 218 sentímetrar á hæð.

Markmiðið var að finna fatnað á þá drengi sem reyndist þrautin þyngri en algengt er að sérsauma þurfi föt á þá félagana.

„Þetta er komið í vana og ég er fyrir löngu búinn að sætta mig við það að vera svona stór,“ sagði Ragnar Ágúst Nathanaelsson, í samtali við Gaupa í kvöldfréttum Stöðvar 2.

Hér að ofan má sjá innslagið í heild sinni.

Hér að neðan má sjá twitterfærslu frá Ragnari en þeir hittu Hafþór Júlíus, sterkasta mann Íslands, í sömu ferð.

Hitti Hafþór Júlíus áðan og hann vildi endilega fá mynd af sér með mér. Fengum Egil til að sýna hversu litil hann er! pic.twitter.com/vNviwNINba

— Ragnar Nathanaelsson (@RaggiNaT) October 17, 2013