Justin Bieber og R. Kelly í samstarf

Justin Bieber fékk til liðs við sig tónlistarmanninn R. Kelly á nýjustu smáskífunni frá poppstjörnunni ungu. 

Lagið heitir PYD, eða Put You Down, og í því segist Bieber ætla að leggja stúlkur niður um allt. Í flugvél, á eldavél og í lest, svo eitthvað sé nefnt.

Bieber hafði ekki mörg orð um lagið áður en það kom út, en varaði aðdáendur sína við með því að segja þeim að þeir hefðu ekki hugmynd um á hverju væri von. 

Bieber er ekki sá eini sem nýlega gaf út smáskífu í samstarfi við R. Kelly. Lady Gaga vann lagið Do What You Want, í samstarfi við tónlistarmanninn umdeilda, á nýrri plötu sinni ARTPOP.