Volvo eða Citroën? Friðrika Benónýsdóttir skrifar 24. janúar 2013 06:00 Volvo er í hugum flestra tákn um sænska velferð og öryggi. Traustan bíl sem hægt er að stóla á að komi fjölskyldunni frá einum stað til annars án teljandi vesens. Hin týpíska sænska kjarnafjölskylda samanstendur gjarna af pabba, mömmu, tveimur börnum, húsi, sumarbústað, hundi og Volvo. Reglufesta er höfuðdyggð í Svíþjóð og sá sem bregður út af norminu er litinn hornauga. Ordning og reda, eða röð og regla, eru einkunnarorð Svía og inn í þá mynd passaði Volvoinn til skamms tíma eins og Jesús á jólakorti. Samfylkingin er sænskasta stjórnmálaafl á Íslandi og eflaust hefur það verið þessi ordning og reda sem Dagur B. hafði í huga þegar hann kaus að hæla Guðbjarti Hannessyni með samlíkingu við Volvo. Hann hefði þó betur stúderað sögu fyrirtækisins áður en hann greip til þessarar samlíkingar því Volvo er langt frá því að vera allur þar sem hann er séður. Hann er ekki einu sinni sænskur lengur, hann er kínverskur. Og þar á undan var hann amerískur. Má kannski lesa úr þessari samlíkingu dulin skilaboð um breyttar áherslur í íslenskri utanríkispólitík? Volvo þýðir ég snýst á latínu og það segir kannski allt sem segja þarf um sögu þessa fyrirtækis. Eftir að hafa verið í samstarfi við Hollendinga um hríð var fyrirtækið og vörumerkið selt hinum ameríska bílaframleiðanda Ford sem fékk dollaramerki í augun við tilhugsunina um sölutölur á fólksbílum merkisins í Evrópu. Það var árið 1999 og var Volvo þá skipt upp í tvær deildir, Svíar héldu áfram að framleiða vörubíla og trukka undir því nafni en sú framleiðsla var algjörlega aðskilin þeirri sem Ameríkanar stjórnuðu. Eftir hrun dvínaði hins vegar salan á fólksbílum og það var þá sem Kínverjarnir komu inn í myndina. Þeir keyptu Volvo árið 2010 og nú er framleiðslunni stýrt frá höfuðstöðvum fyrirtækisins Geely í Hangzhou. Gárungar gætu því hent þessa samlíkingu varaformanns Samfylkingarinnar á lofti og sett hana í samhengi við Grímsstaði og Nubo og aukna ásókn Kínverja í undirtök á norðurslóðum. Það dettur mér hins vegar auðvitað ekki í hug, en því verður ekki á móti mælt að þessi samlíking við Volvo er ekki beint til þess fallin að auka traust á formannsframbjóðandanum. Hefði ekki verið nær að kalla hann Citroën? Franski bíllinn er sá evrópskasti sem um getur og hægt að hækka hann og lækka til að laga sig að akstursaðstæðum hverju sinni. Er það ekki Samfylkingin í hnotskurn? Viltu birta grein á Vísi? Sendu okkur póst. Senda grein Friðrika Benónýsdóttir Mest lesið Kæfandi klámhögg sveitarstjóra Jón Trausti Reynisson Skoðun Vegið að börnum í pólitískri aðför að ferðaþjónustunni Skoðun Erum við á leiðinni í hnífavesti? Davíð Bergmann Skoðun Bandaríkin voru alltaf vondi kallinn Karl Héðinn Kristjánsson Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun Ferðamannaiðnaður? Nei, ferðaþjónusta! Guðmundur Björnsson Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Ísrael – brostnir draumar og lygar Ingibjörg Þóra Haraldsdóttir Skoðun Hið tæra illa Gunnar Hólmsteinn Ársælsson Skoðun
Volvo er í hugum flestra tákn um sænska velferð og öryggi. Traustan bíl sem hægt er að stóla á að komi fjölskyldunni frá einum stað til annars án teljandi vesens. Hin týpíska sænska kjarnafjölskylda samanstendur gjarna af pabba, mömmu, tveimur börnum, húsi, sumarbústað, hundi og Volvo. Reglufesta er höfuðdyggð í Svíþjóð og sá sem bregður út af norminu er litinn hornauga. Ordning og reda, eða röð og regla, eru einkunnarorð Svía og inn í þá mynd passaði Volvoinn til skamms tíma eins og Jesús á jólakorti. Samfylkingin er sænskasta stjórnmálaafl á Íslandi og eflaust hefur það verið þessi ordning og reda sem Dagur B. hafði í huga þegar hann kaus að hæla Guðbjarti Hannessyni með samlíkingu við Volvo. Hann hefði þó betur stúderað sögu fyrirtækisins áður en hann greip til þessarar samlíkingar því Volvo er langt frá því að vera allur þar sem hann er séður. Hann er ekki einu sinni sænskur lengur, hann er kínverskur. Og þar á undan var hann amerískur. Má kannski lesa úr þessari samlíkingu dulin skilaboð um breyttar áherslur í íslenskri utanríkispólitík? Volvo þýðir ég snýst á latínu og það segir kannski allt sem segja þarf um sögu þessa fyrirtækis. Eftir að hafa verið í samstarfi við Hollendinga um hríð var fyrirtækið og vörumerkið selt hinum ameríska bílaframleiðanda Ford sem fékk dollaramerki í augun við tilhugsunina um sölutölur á fólksbílum merkisins í Evrópu. Það var árið 1999 og var Volvo þá skipt upp í tvær deildir, Svíar héldu áfram að framleiða vörubíla og trukka undir því nafni en sú framleiðsla var algjörlega aðskilin þeirri sem Ameríkanar stjórnuðu. Eftir hrun dvínaði hins vegar salan á fólksbílum og það var þá sem Kínverjarnir komu inn í myndina. Þeir keyptu Volvo árið 2010 og nú er framleiðslunni stýrt frá höfuðstöðvum fyrirtækisins Geely í Hangzhou. Gárungar gætu því hent þessa samlíkingu varaformanns Samfylkingarinnar á lofti og sett hana í samhengi við Grímsstaði og Nubo og aukna ásókn Kínverja í undirtök á norðurslóðum. Það dettur mér hins vegar auðvitað ekki í hug, en því verður ekki á móti mælt að þessi samlíking við Volvo er ekki beint til þess fallin að auka traust á formannsframbjóðandanum. Hefði ekki verið nær að kalla hann Citroën? Franski bíllinn er sá evrópskasti sem um getur og hægt að hækka hann og lækka til að laga sig að akstursaðstæðum hverju sinni. Er það ekki Samfylkingin í hnotskurn?
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun