Umburðarlyndi Bergur Ebbi Benediktsson skrifar 2. maí 2013 13:00 Umburðarlyndi er einn af mínum helstu kostum. Ég er umburðarlyndur maður og ég geri umburðarlyndi hátt undir höfði í skoðunum mínum til lífsins. Umburðarlyndi er birtingarmynd samkenndar og samúðar. Það erum við umburðarlynda fólkið sem höldum þjóðfélaginu saman. Ef ekki væri til umburðarlynt fólk eins og ég þá væri hér hver höndin upp á móti annarri. Ég er stoltur af sjálfum mér því ég er ekki þrjóskur og þröngsýnn eins og flestir. Ég er umburðarlyndur. En ég þoli ekki Framsóknarflokkinn, Eurovision, Crocs-skó, Bíladaga á Akureyri, Hamborgarafabrikkuna, grenjandi krakka, verðtryggingu, gula bíla, athyglissýki, sértrúarsöfnuði, Bylgjuna, öryggisleitarhlið á flugvöllum, vegasjoppur úti á landi, hunda, rapp, raunveruleikasjónvarp, U2, FM, B5, Korputorg, fólk á kommentakerfum, lottó, póker og hvers konar innleiðingu á erlendum hefðum eins og hrekkjavöku og Valentínusardegi í þágu markaðs- og gróðahyggju. Ofangreint get ég ekki umborið. Að öðru leyti er ég umburðarlyndur. Nema náttúrulega ef við erum að tala um jólatónleika, smálánafyrirtæki, illa máli farna íþróttafréttamenn, sjálfselsku, íslensku krónuna, maraþonhlaup, auglýsingar um MBA-nám, sveitaböll, kántrítónlist, símasölumenn, dagskrána á RÚV, ljósabekki, Þjóðkirkjuna, Fálkaorðuna, stafsetningarvillur, SÁÁ, LÍÚ og önnur frek hagsmunasamtök, arkitektúr frá 10. áratugnum og að heyra íslenska tungu við lendingarhlið flugvalla eftir nokkurra daga ferð í útlöndum. Ofangreint get ég ekki umborið. En fyrir utan það er ég umburðarlyndur. En að sjálfsögðu hata ég sægreifa, bankaplebba, erlenda hrægamma, stjórnmálamenn, öfgafemínista, kaffiþambandi listamenn, líkamsræktarfrömuði, bótaþega, lögfræðinga, presta, heilara, hagfræðinga og atvinnumenn í fótbolta sem kunna ekki að skora. Að sjálfsögðu hata ég fólk sem talar of hægt og fólk sem talar of hratt. Að sjálfsögðu hata ég fólk sem talar um eitthvað sem mér finnst vera kjaftæði. Að sjálfsögðu hata ég 90% þjóðarinnar. Að sjálfsögðu hata ég alla sem eru ekki umburðarlyndir og með nákvæmlega sömu skoðun og ég. Slíkt get ég ekki umborið. Í samfélaginu er margt sem þarf að laga. En sem betur fer er til umburðarlynt fólk eins og ég. Sem betur fer er ég umburðarlyndur! Viltu birta grein á Vísi? Sendu okkur póst. Senda grein Bergur Ebbi Mest lesið Vindmyllufyrirtæki í áskrift hjá íslenskum almenningi Linda Jónsdóttir Skoðun Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun Hvers virði er vara ef hún er ekki seld? Jón Jósafat Björnsson Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun Nokkur atriði sem almennum borgara finnst að helst megi ekki ræða – eða mjög sjaldan Hjalti Þórðarson Skoðun Metnaðarfull markmið og stórir sigrar Halla Helgadóttir Skoðun Aulatal um að Evrópa sé veik og getulaus Ole Anton Bieltvedt Skoðun Ár vondra vinnubragða í Stúdentaráði HÍ Katla Ólafsdóttir,Mathias Bragi Ölvisson Skoðun „Evrópa er í hnignun“ – Er það samt? Lítum aðeins á söguna Guðni Freyr Öfjörð Skoðun Vilja Ísland í sambandsríki Hjörtur J. Guðmundsson Skoðun
Umburðarlyndi er einn af mínum helstu kostum. Ég er umburðarlyndur maður og ég geri umburðarlyndi hátt undir höfði í skoðunum mínum til lífsins. Umburðarlyndi er birtingarmynd samkenndar og samúðar. Það erum við umburðarlynda fólkið sem höldum þjóðfélaginu saman. Ef ekki væri til umburðarlynt fólk eins og ég þá væri hér hver höndin upp á móti annarri. Ég er stoltur af sjálfum mér því ég er ekki þrjóskur og þröngsýnn eins og flestir. Ég er umburðarlyndur. En ég þoli ekki Framsóknarflokkinn, Eurovision, Crocs-skó, Bíladaga á Akureyri, Hamborgarafabrikkuna, grenjandi krakka, verðtryggingu, gula bíla, athyglissýki, sértrúarsöfnuði, Bylgjuna, öryggisleitarhlið á flugvöllum, vegasjoppur úti á landi, hunda, rapp, raunveruleikasjónvarp, U2, FM, B5, Korputorg, fólk á kommentakerfum, lottó, póker og hvers konar innleiðingu á erlendum hefðum eins og hrekkjavöku og Valentínusardegi í þágu markaðs- og gróðahyggju. Ofangreint get ég ekki umborið. Að öðru leyti er ég umburðarlyndur. Nema náttúrulega ef við erum að tala um jólatónleika, smálánafyrirtæki, illa máli farna íþróttafréttamenn, sjálfselsku, íslensku krónuna, maraþonhlaup, auglýsingar um MBA-nám, sveitaböll, kántrítónlist, símasölumenn, dagskrána á RÚV, ljósabekki, Þjóðkirkjuna, Fálkaorðuna, stafsetningarvillur, SÁÁ, LÍÚ og önnur frek hagsmunasamtök, arkitektúr frá 10. áratugnum og að heyra íslenska tungu við lendingarhlið flugvalla eftir nokkurra daga ferð í útlöndum. Ofangreint get ég ekki umborið. En fyrir utan það er ég umburðarlyndur. En að sjálfsögðu hata ég sægreifa, bankaplebba, erlenda hrægamma, stjórnmálamenn, öfgafemínista, kaffiþambandi listamenn, líkamsræktarfrömuði, bótaþega, lögfræðinga, presta, heilara, hagfræðinga og atvinnumenn í fótbolta sem kunna ekki að skora. Að sjálfsögðu hata ég fólk sem talar of hægt og fólk sem talar of hratt. Að sjálfsögðu hata ég fólk sem talar um eitthvað sem mér finnst vera kjaftæði. Að sjálfsögðu hata ég 90% þjóðarinnar. Að sjálfsögðu hata ég alla sem eru ekki umburðarlyndir og með nákvæmlega sömu skoðun og ég. Slíkt get ég ekki umborið. Í samfélaginu er margt sem þarf að laga. En sem betur fer er til umburðarlynt fólk eins og ég. Sem betur fer er ég umburðarlyndur!
Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Nokkur atriði sem almennum borgara finnst að helst megi ekki ræða – eða mjög sjaldan Hjalti Þórðarson Skoðun
Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Nokkur atriði sem almennum borgara finnst að helst megi ekki ræða – eða mjög sjaldan Hjalti Þórðarson Skoðun