Vilja konu eins og Katrínu

Breskir karlmenn falla frekar fyrir konum sem klæðast klassískum fatnaði en klæðalitlum konum. Þetta kemur fram í nýrri, breskri könnun.

Samkvæmt frétt Daily Mail falla 54 prósent breskra karlmanna fyrir vel klæddri konu en 17 prósent svarenda sögðu fatnað ekki skipta þá máli. Þá vildu 45 prósent aðspurðra helst konu er klæddist fatnaði í sama stíl og Katrín prinsessa. Meira en helmingur aðspurðra sagðist bera meiri virðingu fyrir vel klæddu kvenfólki en fjórðungur sagði persónuleika en ekki klæðaburð skipta máli.