50 heilsudrykkir fyrir alla fjölskylduna

"Þetta verða fimmtíu uppskriftir að alls konar drykkjum og ýmis fróðleikur fyrir alla fjölskylduna. Bókinni verður skipt upp í kafla sem eru þá grænir drykkir, möndludrykkir, skyrdrykkir og fleira,“ segir Hildur Halldórsdóttir lífeindafræðingur.

Hennar fyrsta bók er væntanleg á markað fljótlega. Bókin er ætluð allri fjölskyldunni en Hildur segist hafa sjálf farið að grúska í drykkjum þegar hún var heima í fæðingarorlofi. „Mér fannst mig vanta meiri næringu í kroppinn eftir að hafa lifað á svo einhæfu fæði og fór því að skoða möguleikana og kolféll fyrir þessu.“ 

Hildi þótti erfitt að nálgast góðar uppskriftir að drykkjum á íslensku og fátt var um innihaldslýsingar svo hún fór að prófa sig áfram. Drykkina segir hún koma í staðinn fyrir máltíð og ekki sé nauðsynlegt að kaupa það dýrasta í heilsubúðunum til að útbúa drykkina, því auðvelt sé að notast við það sem til er í skápunum heima.

Kókos- og lime-smoothie

(334 hitaeiningar)

Hrikalega frískandi og bragðgóður drykkur

1 dl kókosmjólk

2 dl ferskur vel þroskaður ananas (160 g)

½ banani (má sleppa)

2 msk. ristaðar kókosflögur frá Himneskri hollustu

1 msk. chia-fræ

Lime-safi úr um hálfu lime

Um 1 dl vatn

Allt sett í blandara og blandað vel. Ef þið ­viljið minnka kolvetni og auka prótein, þá getið þið sleppt banananum og bætt við hreinu próteini.

Hægt er að fylgjast með Hildi á facebook hér.