Á milli steins og sleggju Sara McMahon skrifar 12. september 2013 11:00 Liam Hemsworth leikur ungan mann er lendir mitt á milli tveggja efnamanna er keppast um völd. Spennumyndin Paranoia er byggð á samnefndri skáldsögu Josephs Finder frá árinu 2004. Myndin er í leikstjórn Robert Luketic og skartar Harrison Ford, Liam Hemsworth, Gary Oldman og Amber Heard í helstu hlutverkum. Paranoia segir frá tækniséníinu Adam Cassidy sem starfar hjá fjarskiptafyrirtæki í eigu milljarðamæringsins Nicholas Wyatt. Vegna óhlýðni við yfirboðara sína missir Cassidy starf sitt en hann telur sig hafa náð fram hefndum með því að ræna kreditkorti fyrirtækisins og bjóða vinum sínum út á lífið. Stuttu síðar er Cassidy þó kallaður á fund Wyatts og honum tjáð að hann verði kærður fyrir fjársvik nema hann útvegi Wyatt upplýsingar um helsta samkeppnisaðila hans. Þar með hefst æsispennandi atburðarás og kemst Cassidy brátt að því að hann er aðeins peð í valdabaráttu tveggja milljarðamæringa sem eru áfjáðir í því að knésetja hvor annan.Leikstjóri myndarinnar, Robert Luketic, hefur leikstýrt kvikmyndum á borð við Legally Blonde með Reese Witherspoon í aðalhlutverki, Monster-in-Law, The Ugly Truth og Killers. Hann var á táningsaldri þegar fyrsta mynd hans var valin besta kvikmyndin á ATOM-kvikmyndahátíðinni í Ástralíu. Hann hóf síðar nám við einn virtasta kvikmyndaskóla Ástralíu, Victorian College of Arts – School of Film and Television. Leikarinn Kevin Spacey átti upphaflega að fara með hlutverk Nicholas Wyatt en að lokum var það Gary Oldman sem hreppti hlutverkið. Þetta er í annað sinn sem þeir Oldman og Ford leiða saman hesta sína en þeir léku saman í kvikmyndinni Air Force One árið 1997. Þar, líkt og í Paranoia, léku þeir andstæðinga; Ford lék forseta Bandaríkjanna og Oldman lék illmennið Egor Korshunov sem rænir forsetanum og fjölskyldu hans. Paranoia hefur fengið nokkuð slaka dóma frá gagnrýnendum og þá sérstaklega hinn ungi Hemsworth, sem hlotið hefur slæma útreið fyrir frammistöðu sína í myndinni. Á vefsíðunni Rottentomatoes hlýtur myndin 4 prósent í einkunn og Metacritic gefur henni 32 prósent í einkunn. Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Spennumyndin Paranoia er byggð á samnefndri skáldsögu Josephs Finder frá árinu 2004. Myndin er í leikstjórn Robert Luketic og skartar Harrison Ford, Liam Hemsworth, Gary Oldman og Amber Heard í helstu hlutverkum. Paranoia segir frá tækniséníinu Adam Cassidy sem starfar hjá fjarskiptafyrirtæki í eigu milljarðamæringsins Nicholas Wyatt. Vegna óhlýðni við yfirboðara sína missir Cassidy starf sitt en hann telur sig hafa náð fram hefndum með því að ræna kreditkorti fyrirtækisins og bjóða vinum sínum út á lífið. Stuttu síðar er Cassidy þó kallaður á fund Wyatts og honum tjáð að hann verði kærður fyrir fjársvik nema hann útvegi Wyatt upplýsingar um helsta samkeppnisaðila hans. Þar með hefst æsispennandi atburðarás og kemst Cassidy brátt að því að hann er aðeins peð í valdabaráttu tveggja milljarðamæringa sem eru áfjáðir í því að knésetja hvor annan.Leikstjóri myndarinnar, Robert Luketic, hefur leikstýrt kvikmyndum á borð við Legally Blonde með Reese Witherspoon í aðalhlutverki, Monster-in-Law, The Ugly Truth og Killers. Hann var á táningsaldri þegar fyrsta mynd hans var valin besta kvikmyndin á ATOM-kvikmyndahátíðinni í Ástralíu. Hann hóf síðar nám við einn virtasta kvikmyndaskóla Ástralíu, Victorian College of Arts – School of Film and Television. Leikarinn Kevin Spacey átti upphaflega að fara með hlutverk Nicholas Wyatt en að lokum var það Gary Oldman sem hreppti hlutverkið. Þetta er í annað sinn sem þeir Oldman og Ford leiða saman hesta sína en þeir léku saman í kvikmyndinni Air Force One árið 1997. Þar, líkt og í Paranoia, léku þeir andstæðinga; Ford lék forseta Bandaríkjanna og Oldman lék illmennið Egor Korshunov sem rænir forsetanum og fjölskyldu hans. Paranoia hefur fengið nokkuð slaka dóma frá gagnrýnendum og þá sérstaklega hinn ungi Hemsworth, sem hlotið hefur slæma útreið fyrir frammistöðu sína í myndinni. Á vefsíðunni Rottentomatoes hlýtur myndin 4 prósent í einkunn og Metacritic gefur henni 32 prósent í einkunn.
Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira