Afhenda þarf Hjördísi dönskum yfirvöldum innan fimm sólarhringa

Samkvæmt lögum um norræna handtökuskipan skal afhenda eftirlýstan mann eins fljótt og unnt er eftir endanlega ákvörðun um afhendingu og í síðasta lagi fimm sólarhringum síðar. Ríkislögreglustjóri hefur því fimm sólarhringa til að ljúka málinu og afhenda Hjördísi.
Lagagreinin er svohljóðandi:
15. gr. Frestur til afhendingar.
Þegar endanleg ákvörðun um afhendingu liggur fyrir skal afhenda eftirlýstan mann eins fljótt og unnt er og í síðasta lagi fimm sólarhringum eftir að ákvörðunin um afhendingu var tekin. Nú er ekki unnt vegna sérstakra aðstæðna að afhenda eftirlýstan mann innan framangreindra tímamarka og skal ríkissaksóknari þá strax semja um nýjan frest við þann sem gaf handtökuskipunina út
Kim Gram Laursen, faðir barnanna, fer með forsjá þeirra samkvæmt úrskurði danskra yfirvalda. Hjördís og Kim hafa átt í áralangri forsjárdeilu og danskur dómstóll dæmdi Kim fulla forsjá í september 2012.
Hjördís hafði við börnin umgengisrétt en virti ekki að skila þeim aftur til föður í ágúst á síðasta ári. Þess í stað flaug hún með börnin til Noregs þar sem hún fór huldu höfði hjá íslenskum presti í um tvær vikur áður en hún kom hingað til lands.
Dönsk yfirvöld telja að flutningur með börnin til Íslands brjóti í bága við dönsk lög og dönsk yfirvöld gáfu því út handtökubeiðni á hendur Hjördísi. Beiðnin var afturkölluð á grundvelli mannúðarástæðna en hún var síðar endurútgefin.
Tengdar fréttir

Flúði með dætur sínar til Íslands í einkaþotu
Í nýjasta hefti Nýs lífs er nákvæm lýsing á því hvernig Hjördís Svan Aðalheiðardóttir flúði með dætur sínar þrjár til Íslands frá Danmörku í sumar.

Hjördís Svan verður afhent dönskum yfirvöldum
Hæstiréttur staðfesti síðdegis í gær úrskurð Héraðsdóms Reykjavíkur í fyrra í máli gegn Hjördísi Svan Aðalheiðardóttur.

"Held áfram að berjast fyrir þeim“
Danskur faðir sem stendur í forræðisdeilu við íslenska móður segir að hann muni halda áfram að berjast fyrir dætrum sínum. Móðirin er nú stödd á Íslandi eftir að hafa flúið með dæturnar til landsins.

Hjördís Svan afhent dönskum yfirvöldum - Hafa kært úrskurðinn
Lögmenn Hjördísar Svan, forsjárlausrar móður þriggja barna sem fór með þau frá Danmörku til Íslands í haust, hafa kært úrskurð Héraðsdóms Reykjavíkur um að hún skuli afhent dönskum yfirvöldum á grundvelli handtökuskipunar.

Forræðisdeila: Dönsk yfirvöld krefjast framsals Hjördísar Svan
Yfirvöld í Danmörku hafa farið fram á að Hjördís Svan verði framseld, en hún hefur lengi staðið í harðvítugri forræðisdeilu við danskan barnsföður sinn. Gefin var út handtökuskipun gegn Hjördísi í morgun en hún var dregin til baka seinni partinn í dag.

Handtöku Hjördísar Svan frestað
Beðið er úrskurðar um lögmæti dönsku handtökubeiðnarinnar fyrir dönskum dómstólum.

Stúlkurnar komnar í skóla
Stúlkurnar sem fluttar voru með einkaflugvél frá Danmörku til Íslands í forræðisdeilu á milli föður og móður eru allar komnar í skóla hér á landi.

Ákvörðun tekin í máli Hjördísar Svan
Hæstiréttur úrskurðar í dag um hvort Hjördís Svan Aðalheiðardóttir verði afhent dönskum yfirvöldum.