Góður árangur í Solna

Norðurlandsmóti yngri landsliða í körfubolta í Solna lauk í dag. Danmörk var andstæðingur íslensku liðanna á lokadeginum og  unnust þrír sigrar.

U18 ára lið drengja vann sinn leik 87-54 þar sem Kári Jónsson skoraði 20 stig. Liðið hafnaði í öðru sæti og var Jón Axel Guðmundsson valinn besti maður mótsins og í úrvalslið U18 karla.

U16 lið stúlkna lagði Danmörku 48-47 en liðið hafði fyrir leikinn tryggt sér sigur í mótinu. Sylvía Rún Hálfdánardóttir var valinn maður mótsins og í lið mótsins eins og Emilía Ósk Gunnarsdóttir.

U18 ára lið stúlkna vann öruggan sigur í Dönum í dag 65-51. Sara Rún Hinriksdóttir skoraði 20 stig en hún var valin í úrvalslið mótsins. Liðið hafnaði í 4. sæti.

U16 ára lið drengja hafnaði einnig í 4. sæti en liðið tapaði fyrir Dönum í dag 88-68. Þórir Þorbjarnarson var valinn í úrvalslið mótsins.